چشتیاں سفاری پارک میں کرنٹ لگنے سے نوجوان جاں بحق، انتظامیہ نے پارک سیل کر دیا

چشتیاں: چشتیاں سفاری پارک میں جھولے سے کرنٹ لگنے سے نوجوان جاں بحق ہوگیا، جاں بحق نوجوان کی شناخت محمد نوید کے نام سے ہوئی ہے، واقعہ بریک ہونے کے بعد سنو نیوز پر خبر نشر ہوئی تو انتظامیہ حرکت میں آگئی، ڈپٹی کمشنر بہاولنگر نے فوری نوٹس لیتے ہوئے اسسٹنٹ کمشنر چشتیاں اور چیف آفیسر بلدیہ چشتیاں کو ہدایت کی کہ سفاری پارک کو فوری طور پر سیل کیا جائے، جس پر عمل کرتے ہوئے انتظامیہ نے سفاری پارک کو سیل کردیا، پولیس اور ریسکیو ٹیمیں موقع پر پہنچ چکی ہیں، جاں بحق نوجوان کی لاش کو ہسپتال منتقل کر دیا گیا ہے۔

سفاری پارک کی مکمل چھان بین کی جا رہی ہے، تفتیش جاری ہے، مزید رپورٹس آنے تک پارک بند رکھنے کا فیصلہ کیا گیا ہے، شہریوں میں غم اور غصے کی لہر ہے، واقعے کے بعد انتظامیہ کا کہنا ہے کہ لاپرواہی کرنے والوں کے خلاف سخت کارروائی کی جائے گی، ابھی مزید تفصیلات سامنے آرہی ہیں، تازہ ترین معلومات کے لیے چشتیاں ڈاٹ پی کے سے منسلک رہیں۔